Ylli i Real Madridit, Cristiano Ronaldo mund të largohet nga Spanja, pasi nuk është i kënaqur me presidentin Perez dhe nuk e bindë trajneri i ardhshëm Rafa Benitez, shkruan gazeta katalunase Sport.
Ronaldo është i dëshpëruar me Perezin për shkarkimin e Carlo Ancelottit, pasi ishte shumë i kënaqur me të dhe këtë e kishte treguar edhe me anë të një postimi në Facebook.
Në anën tjetër atë nuk e bindë as Rafa Benitez, i cili pritet të emërohet trajner i Realit javën e ardhshme.
Ronaldo e ka urdhëruar agjentin e tij Jorge Mendez që të shqyrtoj ofertat që vijnë në drejtimi të tij, pavarësisht se ka kontratë me Realin deri në vitin 2018.
