Ish sulmuesi i Real Madridit, Fernando Morientes mun të jetë asistent i Rafael Benitezit në postin e trajnerit në Santiago Bernabeu.
Rafael Benitez pritet të emërohet në postin e trajnerit të Real Madridit.
Ai është favorit për të zënë vendin e pasardhësit të Carlo Ancelottit të shkarkuar.
Kurse, e përditshmja sportive madrilene “AS” ka njoftuar se Benitez tashmë ka zgjedhur asistentin e tij të parë në Santiago Bernabeu.
Ai dëshiron që së bashku me të në bankinën e Los Blancos ta ketë ish sulmuesin e ekipit, Fernando Morientes.
Morientes që nga viti 2010 ka nisur kurset e trajnerit dhe momentalisht është duke drejtuar një nga grupmoshat e të rinjve në Real Madrid.