Një nga pilotët më të mirë në botë në sportin e MotoGP-së, Valentino Rossi, synon fitore në fundjavë në garën që mbahet për Çmimin e Madh të Italisë. Ai do të kërkojë të arrijë rekordin e 10 fitoreve në Mugello. “Të vish në Mugello si lider i Kampionatit Botëror dhe në një formë shumë të mirë është diçka perfekte. Kemi qenë të shpejtë që nga fillimi i sezonit dhe kjo është diçka shumë e rëndësishme. Më pëlqen shumë ky cirkuit.
Në Çmimin e Madh të Italisë kam kaluar gjithmonë një fundjavë të këndshme, por nuk duhet harruar fakti që kjo pistë i pëlqen edhe Lorenzos. Të dy do të synojmë ta renditim Yamahan përpara të gjithëve por këtë herë shpresoj që të jem unë fituesi”, tha Rossi.
