Futbollisti Morgan Schneiderlin ka dëshirë të jetë në petkun e ndonjë skuadre që luan në garën më prestigjioze evropiane, Champions League. Futbollisti që luan për Southamptonin nuk e ka ndërmend të largohet nga Anglia. “Unë mendoj se kam vendosur tanimë. Edicionin e kaluar kam mësuar shumë. Dua të qëndroj në Angli pasi është një kampionat që e pëlqejë dhe kënaqem. Nëse largohem do ta bëj këtë për një skuadër e cila luan në Champions League. Kam edhe dy vite kontratë këtu, por nëse ndonjë skuadër paguan klauzolën time besoj se është koha për t'u larguar”, ka thënë Schneiderlin.