Selektori i Spanjës, Vicente del Bosque ka mbështetur Rafa Benitezin për trajner të ri të Real Madridit.
Selektori i Spanjës, Vicente del Bosque ka lavdëruar Rafa Benitezin pas njoftimeve se ky i fundit është favorit për të zëvendësuar Carlo Ancelottin në postin e trajnerit të Real Madridit.
Italiani u shkarkua të hënën dhe pritet të zëvendësohet nga Benitez, i cili do të largohet nga Napoli në fundjavë, pas përfundimit të sezonit në Serie A.
Në ndërkohë, Del Bosque beson se Benitez do të ishte një zgjedhje e mirë për Los Blancos.
“Nuk është vendim i imi. Por, Benitez është një prej trajnerëve më të mirë në botë”, u shpreh Del Bosque gjatë një konference për shtyp.