Jurgen Klopp do të largohet nga Borussia Dortmund pas përfundimit të këtij sezoni. Por, ende nuk dihet se cila do të jetë skuadra e tij e ardhshme.
Ku do të jetë trajner Jurgen Klopp në sezonin e ri? Kjo është pyetja që ende nuk ka marrë përgjigje.
Klopp do të largohet nga Borussia Dortmund pas përfundimit të këtij sezoni.
Dhe, emri i tij ka filluar të përmendet si objektiv i shumë prej skuadrave të mëdha evropiane.
Real Madrid pritet ta largojë Carlo Ancelottin nga posti i trajnerit pas ndeshjes së sotme me Getafen.
Klopp është një prej atyre që mund të jenë pasardhës të italianit.
Mirëpo, nuk përjashtohet as mundësia e angazhimit të tij në ndonjë prej skuadrave të mëdha në Premierligë, përfshirë Manchester Cityn.
