Mesfushori i Barcelonës, Xavi, e ka zgjedhur fitoren prej 5-0 në El Classicon e vitit 2010 kundër Real Madridit, si kujtimin më të mirë në karrierën e tij.
“Ndeshja të cilët e kujtoj me shumë mall? Fitorja 5-0 kundër Real Madridit ishte kulmi i karrierës sime”, ka thënë fillimisht Xavi për Marca.
“Asgjë nuk krahasohet me të, edhe pse fitorja 6-2 në udhëtim ishte gjithashtu e mrekullueshme. Çfarë futbolli, çfarë dominimi. Ne e kishim topin gjatë tërë kohës, atëherë kur e humbnim, e fitonin menjëherë. Ishte futbolli në formën më sublime”, ka potencuar spanjolli.
“Kokat e lojtarëve të Real Madridit ishin ulur poshtë, teksa ata shkonin në pushim me disavantazh prej 2-0. Ne shkuam në zhveshtore dhe nuk mund të prisnim që pjesa e dytë të fillonte. Kemi mundur të shënojmë edhe më shumë. Ne donim t’i shkatërronim ata, për të gjitha fjalët që kishin thënë për neve para ndeshjes”, ka shtuar ai.
