Sulmuesi i kombëtares së Shqipërisë, Shkëlzen Gashi, anëtar i kampionit në fuqi zviceran, Baseli, është shpërblyer edhe me të holla për epitetin e futbollistit më të mirë që u zgjodh në muajin mars nga votat e lexuesve të portalit online ‘Blick’. Ai është 26-vjeçar dhe prin me 21 gola në listën e shënuesve në elitën zvicerane, është shpërblye me 2000 franga, por këto mjete i dedikohen grupmoshave të reja të Baselit, nga është edhe lojtari fitues. “Ky çmim do të thotë shumë për mua. Unë dua të falënderoj të gjithë”, tha Gashi.