Samir Ujkani, portier i kombëtares së Kosovës dhe i skuadrës Palermo, është i kënaqur që të dielën që lamë pas, startoi titullar për Palermon, e cila si mysafir humbi me rezultat 1:0 nga Parma, në ndeshjen e javës së 32-të në Serie A. Ujkani tregoi paraqitje të mirë ani se pësuan humbje nga parmakët. “I lumtur për rikthimin. Faleminderit familjes sime, shokëve të skuadrës dhe të gjithë tifozëve të Palermos për mbështetjen”, ka shkruar Ujkani.