Manuel Pellegrini thotë se nuk është turp të përfundosh i dyti, me Manchester Cityn që është në prag të humbjes së titullit të kampionit ndaj Chelseat.
“Ne nuk mund të fitojmë trofe çdo vit”, ka thënë Pellegrini para gazetarëve.
“Është e pamundshme, veçanërisht këtë vit. Arsenali, Chelsea, Manchester United dhe Liverpool kanë harxhuar më shumë para dhe ata kanë ekipe shumë të fuqishme”.
“Nuk mendoj se është një pozitë e keqe ose është turp të jesh në vendin e dytë me këtë ekip. Ndoshta mund të ankohem për gjëra të tjera këtë sezon – mënyrën se si humbëm në FA Kupë dhe League Cup, por në Ligën Premier nuk është e lehtë të jesh në vendin e dytë kur keni pesë ose gjashtë ekipe të fuqishme”.
“Nëse do të përfundonim në pozitën e shtatë, pa Evropë, do ta kuptoja kritikën. Por kur ne jemi të dytë gjithë sezonin, nuk mendoj se është e njëjta”, ka shtuar kiliani.