Skuadra shqiptare, Shkëndija e Tetovës, e fitoi derbin maqedonas, duke e mundur me rezultat 3:2 kryesuesin e renditjes, Vardarin e Shkupit, në ndeshjen e zhvilluar në Kumanovë. Futbollistët tetovarë plotë 73 minuta ishin me një futbollist më pak, ngase Stefan Askovski u përjashtua nga loja. Një lojë e bukur e skuadrës shqiptare dhe tregoi forcën ndaj Vardarit. Golat për Shkëndijën i realizuan: Stenho Junior (11’), Bojan Vruçina (38’-nga penalltia) e Victor Juffo (82’) dhe për Vardarin:Senijad Ibriçiç (45’) e Nikola Gligorov (76’). Kjo ishte ndeshja e fundit e javës së 26-të dhe Shkëndija kaloi në vend të tretë me 44 pikë, kurse Vardari është në vend të parë me 58 pikë dhe ka tri më shumë se Rabotniçki.