Kryeministri Isa Mustafa është shprehur I gëzuar me fitoren e KB Sigal Prishtina e cila sonte e ka mposhtur ekipin e Kozuvit në kuadër të Ligës Ballkanike në basketboll.
Mustafa ka qenë pjesë e tifozërisë në Pallatin e Rinisë dhe Sporteve ku shihet edhe nga një foto e postuar në Facebook.
Postimi i plotë i Mustafës në Facebook:
Mbrëmje e bukur. KB Sigal Prishtina me lojën që bëri tregoi kapacitetin dhe talentin e vendit tonë për basketboll. Jam shumë i lumtur që këtë talent do ta shfaqim edhe në arenën evropiane dhe botërore pasi antarësimi në FIBA ka krijuar kushtet që Kosova të ketë të drejtë si çdo vend i botës të garojë fer.