Lukas Podolski ka gabuar që u transferua në Inter, gjatë afatit kalimtar të janarit, sipas ish trajnerit të tij nga Bayern Munich, Jupp Heynckes.
Jupp Heynckes e ka kritikuar Lukas Podolskin për transferimin e tij në Inter.
Ish trajneri i Bayern Munichut beson se sulmuesi gjerman gaboi që u largua nga Arsenal gjatë janarit duke iu bashkuar Nerazzurrëve në formë huazimi deri në fund të këtij sezoni.
“Transferimi në Inter nuk ishte vendimi më i mençur nga Lukas dhe menaxherët e tij”, deklaroi Heynckes për “Kicker”.
“Kam punuar me të në Bayern dhe ai luajti mirë në ato ndeshje që u aktivizua”, u shpreh ai.
Së bashku me Podolskin, në janar në Inter u transferua edhe një tjetër ish futbollist i Heynckesit nga Bayern, mesfushori Xherdan Shaqiri.