Krenaria e sportit të Kosovës, Majlinda Kelmendi (52 kg), gjithnjë e më mirë po ndihet pas operimit të gjuri që e bëri para pak javësh. Ajo po stërvitet me shumë kujdes që të rrit formën e saj. Ajo shihet në foto duke stërvitur nën përkujdesjen e trajnerit të saj, Driton Kuka. Kampionia e dyfishtë e botës vazhdon të rrit intensitetin e stërvitjeve me synim që të jetë në formën më të mirë për sfidat që e presin, megjithëse është në pikëpyetje të madhe se do të jetë apo jo në Lojërat Olimpike Evropiane që mbahen nga 12 deri me 28 qershor të këtij viti në Baku të Azerbajxhanit.
