Boksieri i mirënjohur shqiptar, Nuri Seferi, është në formën më të mirë dhe i gatshëm për sfidën e madhe të së shtunës, që do të zhvillohet në Poloni, kundër polakut, Krzysftof Glowacki. Gjithçka është e gatshme për betejën e madhe dhe kudo që janë shqiptarët mezi po presin mbrëmjen e të shtunës pas ores 21.00 që të shohin kryetrimin e madh shqiptar në ring kundër numrit një në botë. Nuri Seferi e ka falënderuar Haxhi Krasniqin, ngase ky i fundit i ka uruar një meç të mirë dhe fitore. “Faleminderit për mbështetje miku im, Haxhi Krasniqi. Viti 2015 do të jetë viti ynë. Me 21 mars kam bindje te plotë se t’i do të bëhesh kampion Bote në Kategorinë gjysmë të rëndë", shkruan Nuri Seferi.