Tifozët e futbollit të FC Standardit të Liezhit duket se kanë më shumë se inati sportiv ndaj kampionit në fuqi belg, Anderlecht. Ata dhanë një imazh shumë të keq në ballafaqimin që zhvilluan me Anderlecht-in. Standard shënoi fitore me rezultat 2:0 ndaj skuadrës që udhëhiqet nga trajneri shqiptar, Besnik Hasi. Tifozët shpalosën një banderolë të madhe ku shihej një person me maskë dhe me hanxhar në njërën dorë, ndërsa në tjetrën mbante kokën e prerë të Steven Defour, ish-lojtar i Standardit, tani te Anderlecht. “Ose i kuq, ose i vdekur”, shkruhej në banderolën e turpshme të tifozëve.
