Bayerni dhe Arsenali vazhdojnë të qëndrojnë në pole position për të siguruar shërbimet e tij.
Zërat për një largim të mundshëm të mesfushorit Sami Khedira nga Reali i Madridit nuk ndalen. Bayerni dhe Arsenali vazhdojnë të qëndrojnë në pole position për të siguruar shërbimet e tij edhe pse vetë lojtari ka shprehur dëshirën për ta vazhduar karrierën në "Santiago Bernabeu". Bavarezët kërkojnë të zëvendësojnë figurën e Toni Kroos me një tjetër lojtar të kombëtares gjermane pasi tifozët nuk e kanë gëlltitur ende largimin e tij dhe Khedira mund të jetë emri i duhur për të plotësuar boshllëkun. Nga ana tjetër, Florentino Perez po reflekton për një kontratë të re që mund t'i ofrojë gjermanit, karriera e të cilit po përshkon një dishezë gjatë muajve të fundit për shkak të dëmtimeve të shumta.
Por edhe në rast rinovimi, vendi në formacionin titullar nuk është aspak i sigurt për Khediran, sepse konkurrenca në ekip është e lartë. Ditët e para të Janarit do të jenë vendimtare për të mësuar fatin e mesfushorit të Kombëtares Gjermane, i cili humbi dy finalet më të rëndësishme të karrierës së tij në vitin 2014, atë të UEFA Chamnpions League dhe atë të Botërorit në Brazil kundër Argjentinës.
