Ky është rasti i Romës, që pavarësisht ecurisë pozitive në Serinë A në 16 javët e para të sezonit, ka disa probleme për të zgjidhur në këtë pauzë.
Ndodh që edhe pushimet dimërore, të mos e ruajnë entuziazmin në një skuadër që pretendon titullin kampion. Ky është rasti i Romës, që pavarësisht ecurisë pozitive në Serinë A në 16 javët e para të sezonit, ka disa probleme për të zgjidhur në këtë pauzë të shkurtër të festave të fundvitit. Shqetësimi më i madh lidhet me futbollistit më efikas në fazën sulmuese, Gervinho, i cili së bashku me Keita do të grumbullohen nga përfaqësueset respektive në Kupën e Kombeve të Afrikës, për t'u kthyer në Trigoria në fund të muajit shkurt.
Sulmuesin nga Bregu i Fildishtë duhet ta zëvendësojë Iturbe, por ish-futbollisti i Veronës, nuk ka krijuar impaktin e duhur në Olimpico, edhe pse ka qenë një blerje shumë e shtrenjtë. Garcia ka alternbativë të parë Ljajic, që po tregon një rritje të vazhdueshme të formës.
Në Trigoria më i pakënaquri është Destro. Gjatë vitit kalendarik sulmuesi i kombëtares italiane ka shënuar vetëm 14 gola dhe nuk po aktivizohet në vazhdimësi nga Garcia, cka ka sjellë edhe reagimin e tij për zgjedhjet e trajnerit. Sistemi i lojës së Romës, nuk i nxjerr në pah vlerat e tij, ndaj mbetet për t'u parë se cila do të jetë zgjidhja që do të gjejë trajneri italian për një lojtar ndaj të cilit pritshmëritë ishin shumë më të larta.
