Sulmuesi i Real Madridit, Cristiano Ronaldo, fare nuk ndihet i shqetësuar që nuk realizoi asnjë gol në Kupën e Botës për klube në futboll. Ai është krenar që me klubin e tij e fituan Kupën e Botës, pasi që në finale e mposhtën me rezultat 2:0 ekipin argjentinas, San Lorenzo. Ai deklaroi se Reali është në një formë shumë të mirë dhe shpreson se do të përsëri sukseset e këtij viti. “Shpresoj se 2015-ta do të jetë aq e mirë sa edhe 2014-ta dhe ne do të fitojmë gjithçka sikur që fituam këtë vit. Triumfi në Botërorin e Klubeve është një moment historik që do ta ketë një vend të veçantë në zemrën time. Do të më motivojë të vazhdojë përpara”, tha Ronaldo.
