Reali i Madridit është vetëm tre hapa larg bërjes së historisë.
Ekipi madrilen luan mbrëmjen e sotme me argjentinasit e San Lorenzos në finalen e Kupës së Botës për klube, por përveç titullit, fitorja e sotme ka një domethënie të madhe përsa i përket rekordit të fitoreve radhazi.
Reali ka fituar 21 ndeshje deri tani dhe ndodhet vetëm 3 fitore larg rekordit botëror të mbajtur nga brazilianët e Coritibas.
Nëse fiton sot, Realit do t’i duhen dy ndeshje që të barazojë Coritiban dhe një tjetër për të thyer reokrdin dhe për të qenë në majë përsa i përket këtij rekordi.
Në 21 ndeshjet e fituara Reali ka shënuar shifrën e pabesueshme të 79 golave dhe ka goditur 310 herë në kuadrat, me një mesatare prej 3.76 gola për ndeshje.
