Sulmuesi nga Bregu i Fildishtë iu kthye edhe një herë ngjarjeve në Marassi, ku Roma mori tri pikë të vyera ndaj një kundërshtari shumë të fortë.
Mungesa në stol e Rudi Garcias në sfidën e shtëpisë me Milanin dhe në transfertë me Udinezen nuk do të ndihet. Për këtë është i bindur sulmuesi verdhekuq Gervinho, i cili është i sigurtë se Roma do të jetë e kujdesshshme edhe pa udhëzimet e trajnerit nga pankina.
"Nuk besoj se ajo që i ndodhi misterit do të ndikojë në skuadër. Garcia është shumë i përqendruar në fushëm ndaj edhe ne duhet të bëjmë të njëjtën gjë, duke kërkuar fitoren në cdo ndeshje".
Sulmuesi nga Bregu i Fildishtë iu kthye edhe një herë ngjarjeve në Marassi, ku Roma mori tri pikë të vyera ndaj një kundërshtari shumë të fortë.
"Ishte një takim shumë i vështirë, por për ne tashmë vlejnë 3 pikët. Nuk dua të hyj në detajet e ngjarjeve sespe gjëja më e rëndësishme për Romën ishte arritja e fitores".
Pas eliminimit që në fazën e grupeve të Champions League, Roma tashmë i ka përqendruar të gjitha energjitë në kampionat, si rivalja kryesore e Juventusit për titullin kampin në Serinë A.
