Edhe pse jemi ende në muajin nëntor, sulmuesi i Realit të Madridit është gati për të festuar.
Krishtlindja në shtëpinë e Cristiano Ronaldos mesa duket kanë ardhur rreth një muaj me avancë. Edhe pse jemi ende në muajin nëntor, sulmuesi i Realit të Madridit është gati për të festuar. Ai ka hedhur në faqen e tij në Instagram një foto me djalin Cristiano Junior duke pozuar përpara pemës së Krishtlindjes edhe pse dita e madhe do të jetë pas rreth një muaji.
“Koha e Krishtlindjes erdhi” shkruan Ronaldo që mesa duket dëshiron të krijojë një atmosferë festive që të zgjasë sa më shumë të jetë e mundur. Gjithsesi, koha e dhuratave për sulmuesin luzitan duket ende e largët sepse ceremonia e Topit të Artë do të zhvillohet në muajin Janar dhe i duhet të presë edhe rreth 2 muaj për të mësuar nëse babagjyshi i ka rezervuar ndonjë surprizë edhe për këtë vit.
