Kapiteni i Kombëtares Shqiptare të Futbollit, Lorik Cana, është nderuar me titullin “Qytetar Nderi”, nga Bashkia e Bajram-Currit.
Vendimi është marrë nga Këshilli Bashkiak, ku të gjithë kanë votuar pro dhënies së titullit.
Sipas drejtuesve të bashkisë së Bajram Currit, kapiteni i Kuq e Zinjve është dalluar për shfaqjet e tij patriotike.
Titulli për Canën është akorduar me motivacionin “Mbrojta e vlerave Kombëtare shqiptare” pas heroizmave të tij atdhetare me mbrojtjen e flamurit kombëtar në Beograd.
