Liverpooli pësoi humbje të rëndë në udhëtim me rezultat 3:1 nga West Ham-i, në ndeshjen e javës së pestë të Premier League. Futbollistët e Liverpoolit nuk bënë lojën e pritur dhe i lejuan rivalit që të shënojnë tri herë, duke tronditur edhe tifozët e vet. Trajneri i Redsave, Brendan Rodgers, e ka pranuar se nuk ishin askund me lojë në përballje me West Ham. “Nuk ishim askund nga niveli i duhur që duhet të kemi. Ne vërtetë bëmë një start shumë të ngadalshëm edhe pse e dinim që po humbasim 2:0. Duhet të punojmë shumë pas kësaj paraqitje dëshpëruese. West Ham luajti me intensitet më të madh, ne nuk arritëm të luanim lojën tonë dhe pësuam humbje sërish”, ka thënë Rodgers.
