Napoli, De Laurentiis mendon shitjen

Sporti

Napoli, De Laurentiis mendon shitjen

Më: 17 shtator 2014 Në ora: 21:16

Eleminimi nga Champions League dhe kontestimi i tifozëve e kanë bindur presidentin të kërkojë kapitale të reja jashtë Italisë.

Napoli endet mes paqartësive dhe presidenti De Laurentiis projekton një të ardhme të re për shoqërinë me ndryshime të mëdha në aspektin e ekuilibrave. Eleminimi nga Champions League dhe kontestimi i tifozëve e kanë bindur presidentin të kërkojë kapitale të reja jashtë Italisë. Objektivi kryesor është ndërtimi i një stadiumi të ri por jo vetëm. Pas Shteteve të Bashkuara të Amerikës, prodhuesi i famshëm i filmave ka hedhur vështrimin nga Lindja e Mesme dhe më saktësisht nga Katari.

Modeli i referimit është Roma dhe De Laurentiis ka filluar të lëvizë në këtë drejtim, por pa e braktisur totalisht klubin. Por për të bërë hapin cilësor duhen burime të reja për të gjeneruar përfitime dhe në këtë aspekt, hapi i parë është stadiumi i ri. Në rastin e Romës, partneri i ri “Starwood” hyri si aksioner gradualisht, prandaj partnerët amerikanë janë më të pëlqyer sepse ata nuk dëshirojnë menjëherë të gjithë aksionet e shoqërisë së kaltër. Përsa i përket pistës nga Katari, shoqëria ende e panjohur ofron 200 milionë Euro për shitjen e të gjithë paketës së aksioneve. Një shifër e rëndësishme që mund të ndryshojë në mënyrë radikale ekujlibrat dhe projektet e presidentit. A do ta refuzojë De Laurentiis një ofertë të tillë? Kjo mbetet për t’u parë gjatë ditëve të ardhshme.

Sot mund të lexoni Shfletoni kopertinat