Basketbollisti i Sigal Prishtinës, Fisnik Rugova, premton se do të jap maksimumin në edicionin e ri në Ligën Ballkanike dhe në ETC Superligën e Kosovës. Ai beson e shpreson se do të jetë një vit i mirë me ekipin e Prishtinës dhe të mbrojnë trofetë e fituar por edhe të arrijnë sukses të madh edhe në Ligën Ballkanike. Ditë më parë Rugova arriti marrëveshjen për të vazhduar me kampionin dhe fituesin e Kupës së Kosovës dhe beson se do të tregojë potencialin e tij. “Është e vërtetë që kam arritur marrëveshjen edhe për një vit me Prishtinën. Besoj që ky vit do të jetë shumë i mirë si për klubin po ashtu edhe për mua. Ekipi ka krijuar një potencial me pretendime të larta sidomos me Ligën Ballkanike.
(Tekstin e plotë mund ta lexoni të mërkurën në publikimin e shtypur të gazetës kombëtare “Bota sot” në Kosovë)
