Besa Famiglia nga Peja shkëlqeu në ballafaqimin e kthimit, e cila e demoloi në cilësinë e “mysafirit” me rezultat 32:23 ekipin nga Estonia, HC Kehra, në ndeshjen e vlefshme të rrethit të parë të Kupës së Evropës (Kupa e EHF-it) në hendboll. Pejanët ndeshjen e parë e humbën me rezultat 32:31, por në sfidën e dytë e demoluan rivalin dhe u kualifikuan në rrethin e dytë me rezultat të përgjitshhëm 63:55. Pejanët si në periudhën e parë të lojës po ashtu edhe në të dytën bënë lojë të mirë dhe me 9 gola epërsi gjunjëzuan HC Kehra. Kastriot Jupa ka treguar lojë efikase, duke realizuar 9 gola, i ndihmuar nga Goran Biljaka me 8 gola etj. Besa në rrethin e dytë do të takohet me ekipin kroat, NEXE, e cila para 5-6 viteve ka qenë kundërshtarë i Prishtinës. Ballafaqimi i parë luhet me 11-12 tetor, ndërsa i kthimit pas një jave (18-19 tetor) në Kroaci.
Gjyqtarë: Harabagiu, Stanescu.
Shtatëshet: 4 (3), 6 (6).
Përjashtimet: Ke. 6 min.-Bes. 6 min.
Kehra: Slastinovski 6, Ka. Lees 5, Kai. Lees 3, Sirkas 3, Iankovskyi 2, Käsper 1, Meier 1, Napsep 1, Skrypak 1, Aasmaa, Anton dhe Naum.
Besa Famiglia: Jupa 9, Biljaka 8, Kukrika 4, Shala 4, Broqi 2, K. Kastrati 2,Tahirukaj 2, Idrizi 1, H. Berisha, Gj. Berisha, Dupjacanec, Gutiqi, E. Kastrati, Muqolli, Stankoviq dhe Tetova.
