Dy prej boksierëve më të famshëm në botë, janë takuar sërish bashkë në New York, në tapetin e kuq të Tribeca Film Festival.
Mike Tyson dhe Evander Holyfield, pas 17 vjetësh nga ndeshja mes tyre në Las Vegas, ku Tyson e kafshoi me dhëmbë në vesh Holyfield, duke i këputur një pjesë të tij, janë bërë sërish bashkë, por pa mëri.
Dy boksierët u takuan për realizimin e dokumentarit “Champs”, i cili i dedikohet pikërisht botës së boksit.
Holyfield në këtë dokumentar është një nga boksierët e intervistuar, ndërsa Tyson ka marrë pjesë në projekt në cilësinë e producentit.
