Xhemajli shënon në Europa Ligë - Bota Sot
Xhemajli shënon në Europa Ligë

Sporti

E premte, 26 gusht 2016

Xhemajli shënon në Europa Ligë

Nga: Alban Lumi Më: 20 shtator 2012 Në ora: 21:17

Futbollisti shqiptar, Blerim Xhemajli ka shënuar njërin nga katër golat e Napolit, në fitoren e skuadrës italiane ndaj Stockholmit në “San Paolo”, në Evropa Ligë. Ai u inkuadrua në minutën e 56-të, ndërkaq futbollisti tjetër shqiptar, Valon Behrami ishte titullarë. Granit Xhaka është inkuadruar në pjesën e dytë në barazimin që Monchengladbach e mori me AEL Limassol në udhëtim.

Napoli ka demoluar skuadrën suedeze të Stockholmit në kuadër të ndeshjeve të para të grupeve në Europa Ligë, duke e mposhtur me rezultat bindës, 4:0. Eduardo Vargas ishte më i merituari për fitoren e italianëve, ai realizoi tri golat e parë (6’, 46’ dhe 69’) ndërkaq futbollisti shqiptar, me nënshtetësi zvicerane, Blerim Xhemajli, i cili u inkuadrua në lojë në minutën e 56-të, në vend të Marco Donadel vulosi epilogun e këtij takimi në minutën e fundit të kohës së rregullt. Futbollisti tjetër shqiptar i Zvicrës, Valon Behrami luajti nga minuta e parë në këtë përballje. Në Grupin F, fitore në shtëpi realizoi edhe Dnipro ndaj holandezëe të PSV-së, me rezultat 2:0.
Granit Xhaka u la në stol në fillim të takimit, që skuadra gjermane Monchengladbach e zhvilloi me udhëtim me AEL Limassolin në udhëtim. Xhaka u inkuadrua me të filluar gjysmoja e dytë, ndërkaq ky takim përfundoi në paqe, 0:0. Edhe takimi tjetër i Grupit C, në mes Fenerbahce dhe Marseille përfundoi pa fitues, 2:2.
Një mori golash janë shënuar në takimin që u zhvillua në Bern, në mes Young Boys dhe Liverpolit në Grupin A. Këtë takim e fitoi gjiganti anglez, me shifrat prej 5:3, ndërkaq Udinese dhe Anji Makhachkala i ndanë pikët, 1:1.

Grupi A

Udinese - Anji Makhachkala 1:1
Young Boys Bern - Liverpool 3:5

Grupi B

Hapoel Tel Aviv - Atletico Madrid 0:3
Viktoria Plzen - Academica Coimbra 3:1

Grupi C

AEL Limassol - Monchengladbach 0:0
Fenerbahce - Marseille 2:2

Grupi D

Bordeaux - Club Brugge 4:0
Maritimo - Newcastle U. 0:0

Grupi E

Copenhagen - Molde 2:1
Stuttgart - Steaua Bucuresti 2:2

Grupi F

Dnipro D'petrovsk - PSV Eindhoven 2:0
Napoli - AIK Stockholm 4:0

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test