Bayerni i Munihut ka sulmin dhe mbrojtjen më të fortë. Bavarezët për tetë ndeshje shënuan tetë fitore rresht dhe kanë goldallimin 28:4, kësisoj kryesojnë me 24 pikë në Bundesliga I. Trajneri i Bayernit, Pep Guardiola, është i fascinuar me fitoren bindëse me rezultat 5:1 kundër Dortmundit. Ai tha se ka ende nevojë që të përmirësohen në lojë. “Dua që t'i uroj futbollistët për paraqitjen. Ne kishim disa ngecje në fillim dhe nuk krijuam edhe aq shumë raste për të shënuar. 'E fituam këtë ndeshje me shumë gabime, që duhet përmirësuar. Por, askush nuk e ka fituar titullin sot, pra duhet të qëndrojmë me këmbë në tokë”, ka thënë Guardiola.
