Skuadra kampione e Italisë, Juventusi, pa dyshim se do ta ndjen dukshëm mungesën e mesfushorit Andrea Pirlo, i cili është transferuar në ekipin amerikan, New York City. Futbollisti Claudio Marchisio thotë se nuk është njeriu i duhur për të zëvendësuar Pirlon. Ai konsideron se është ndryshe nga Pirlo. “Nuk mund të jem zëvendësuesi i tij, sepse jam shumë ndryshe nga Pirlo. Edhe pse kam luajtur në të njëjtin pozicion, jemi ndryshe. Ai na ka ndihmuar shumë, ka qenë një lojtarë tejet i rëndësishëm. Ai ka disa karakteristika të veçanta”, ka thënë Marchisio.
