Chelsea është kampion i ri i Anglisë dhe vlerësohet si nga ekipet më të fuqishme në vitet e fundit. Kapiteni i Chelseas, John Terry, shprehet se kanë potencial të arrijnë edhe më tepër. Ai është i kënaqur me edicionin e fundit dhe përqendrimin tani e ka në garat e ardhshme të Champions League. “Nëse shikoni ekipin tonë më 2004-05 dhe 2005-06, ne ishim në kulmin e kohës. Vendosëm disa objektiva të mëdha për këtë gjeneratë të tanishme dhe ky ekip është duke e bërë tani. Nëse shikojmë ekipin tani, mendoj se kemi potencial të arrijmë edhe më tepër se që kemi bërë në të kaluarën, përtej ditëve të mija”, tha Terry.
