Meçi më i shtrenjtë në histori të boksit, meçi i shekullit, mes boksierit amerikan Floyd Mayweather dhe atij filipinas, Manny Pacquiao, është përcjellë me emocione të mëdha. Shumë tifozë ishin në tension të lartë e disa prej tyre gati sa nuk iu doli edhe zemra prej vendit.
Në një kohë kur Pacquiao po zhvillonte meçin e shekullit në boks përballë Mayweather, në Las Vegas, mbi 7000 milje larg, në Filipine, tifozët e kanë përjetuar me dhembje humbjen e yllit të tyre.
Pacquaio është një hero kombëtare në Filipine, por humbja ia ka thyer zemrën tifozëve të tij, që kishin mbushur sheshet e Manilas për ta ndjek.
