Alexis Sanchez, sulmues i Arsenalit, ndihet rehat në Londër dhe synimi i tij është të fitojë sa më shumë tituj me ‘Topçinjtë’. Arsenali tani është në vend të tretë me 67 pikë pas 34 javëve. “E pëlqej Londrën, jam adaptuar shpejt. Po ndihem rehat tek Arsenali. Në jetën e përditshme, qyteti është i mrekullueshëm dhe kjo më ndihmon të jem një lojtar më i mirë. Unë jam shumë i lumtur që jam tek Arsenali. Të gjithë bashkëlojtarët e mi duan të fitojnë tituj. Të nderojnë ngjyrat e klubit”, ka thënë Sanchez, që shpreson se me ekipin e tij do të kualifikohen direkt për garat e ardhshme të Champions Leagues.
