Ngecja e bisedimeve ndërmjet Raheem Sterling dhe Liverpoolit rreth rinovimit të kontratës, pritet të vazhdojë, pasi lojtari do ta refuzojë edhe ofertën më të re të klubit.
Para disa javësh, Redsat i ofruan 20-vjeçarit një shumë prej 100.000 funtesh në javë, mirëpo oferta i refuzua pasi kërkesa e tij ishte shumë më e lartë.
Tash raportohet se edhe nëse Liverpooli ofron 180.000 funte në javë, ai nuk do të nënshkruajë.
Oferta e re do të thoshte se ai do të përfitonte nëntë milionë funte në vit, por lojtari nuk është i kënaqur me këtë pagesë.
Refuzimi i ri nënkupton se Sterling është i vendosur ta vazhdojë karrierën diku tjetër.
