Futbollisti Florent Hadërgjonaj dhe Young Boys u kthyen me një pikë nga Thuni. FC Thun para shikuesve të vet barazoi pa gola (0:0) me Young Boysin. Sulmuesi shqiptar, Berat Sadiku, u paraqit standard për Thunin dhe u ndëshkua me karton të verdhë në minutën e 45-të, nga ana tjetër Hadërgjonaj luajti deri në minutën e 62-të, ku u kthyen me një pikë të rëndësishme. Pas 22 jave në elitën zvicerane, Young Boys është i dyti me 41 pikë, ka 7 më pak se Baseli dhe Thun është i katërti me 35 pikë.
