Skiatorët dhe skiatoret e klubeve të ndryshme do të luftojnë për titullin e kampionit të ri të Kosovës në kategoritë e ndryshme. Hajrush Demaj, kryetar i Federatës së Skitarisë së Kosovës, tha se të shtunën (në orën 11.00, me 31 janar) do të zhvillohet Kampionati i Kosovës në disiplinën e sllallomit, në Qendrën e Skive në Bogë. “Kampionati zhvillohet për të gjitha kategoritë, duke filluar nga yllkat I, II, fatosat I, II e deri të seniorët”, tha Demaj. Gara pritet të jetë shumë e fortë, ndërsa skiatorët pretendohet se janë mirë të përgatitur dhe të gatshëm për këtë sfidë. Në çdo kategori pritet rivalitet i madh mes skiatorëve.
