Gjyqtarët edhe në javën e 20-të të Raiffeisen Superligës në futboll nuk shpëtuan pa kritika nga disa trajnerë të elitës. Prej trajnerëve më i zëshmi ka qenë Ajet Shosholli, i cili është ankuar se skuadra e tij, Vëllaznimi, është dëmtuar në ndeshjen me Trepçën në Mitrovicë. Sipas Shoshollit, penalltia as që ka ekzistuar në minutën e 73-të, por gjyqtari e ka referuar dhe ka ndryshuar edhe rrjedhën e lojës. Në fakt, si janë vlerësuar treshja e gjyqtarëve të kësaj ndeshje nga ana e kontrollorit? Gjyqtari Artan Hoxha është vlerësuar me notën tre, sikurse edhe ndihmësit e tij: Sanije Krasniqi e Lumturije Muhadri. Në shikim të parë, sipas kontrollorit ndarja e drejtësisë ka qenë e mirë. Kryetari i Shoqatës së Gjyqtarëve të Futbollit të Kosovës, Ruzhdi Breznica, ka thënë se do t’i shtrëngojnë edhe më shumë kontrollorët në javët e ardhshme për faktin se mos të kanë dorën e lirë në vlerësimin e gjyqtarëve me nota. Edhe skuadra e futbollit Drenica nga Skenderaj është ndarë e pakënaqur me ndarjen e drejtësisë nga gjyqtarët. Në ballafaqimi Trepqa ’89 – Drenica, e cila përfundoi me rezultat 2:1 për vendasit, kësisoj janë vlerësuar treshja e gjyqtarëve: Zymer Berisha (3), Bujar Selimaj (2) e
Artan Latifi (3). Selimaj ka marrë notën me të dobët nga gjyqtarët e elitës dhe rrezikon edhe të ndëshkohet. Gjyqtari më i vlerësuar i kësaj jave padyshim se ka qenë Muhedin Ferati me notën katër. Ai ndau drejtësinë në takimin Ferizaj – Liria, i cili edhe njëherë ka treguar autoritetin e një gjyqtarit të vyeshëm. Ndërkaq. Nota katërshe për kryesor nuk ka pasur në asnjë ndeshje me përjashtim te Bejtë Fejzullahut që u vlerësua me notën 3.5 në përballjen KEK-u – Besa. Anësorët e kësaj ndeshje ishin më të mirët e javës: Armend Latifi e Fatlum Berisha, vlerësohen me notën katër.
Ballkani – Prishtina 1:0
Hajriz Hajdari 3.5
Gramos Shala 3.0
Nazmi Raci 3.0
Flamurtari – Hysi 0:3
Ergyn Janovaliu 3
Fatmir Tahiri 3
Musa Rrahimi 3
Ferizaj – Liria 1:1
Muhedin Ferati 4
Mentor Baliu 3
Fatmir Agërbashi 3
Trepça ’89 – Drenica 2:1
Zymer Berisha 3
Bujar Selimaj 2
Artan Latifi 3
Trepça - Vëllaznimi 2:0
Artan Hoxha 3
Sanije Krasniqi 3
Lumturije Muhadri 3
KEK-u – Besa 4:2
Bejtë Fejzullahu 3.5
Armend Latifi 4
Fatlum Berisha 4
