August Landmesser ishte gjermani i vetëm që refuzoi të bënte gjestin e besnikërisë ndaj Fyhrerit, partisë dhe kombit, më 13 qershor të vitit 1936.
Thënia e famshme “Heil Sieg” e Hitlerit (“Lavdi fitores”) u bë një përshëndetje e detyrueshme për gjermanët, nga partia naziste në vitin 1930
Landmesser nuk ngriti krahun e dorës së djathtë në praninë e Hitlerit gjatë një tubimi në vitin 1936, akt i cili i kushtoi largimin nga familja.
Ai mori pjesë në fjalimin e Hitlerit të mbajtur në marinën gjermane, me rastin e përurimit të një anijeje të re luftarake, por kundërshtoi të bënte shenjën e besnikërisë.
Jeta e gjermanit Landmesser para dhe pas ngjarjes
Landmesser iu bashkua partisë naziste në vitin 1933 dhe filloi punën në vendin që më vonë u shndërrua në partinë e vetme politike në vend.
Dy vite më vonë, Landmesser u dashurua marrëzisht me Irma Eckler, një grua çifute të cilës i propozoi në vitin 1935. Por, kur u zbulua fejesa e tij me një grua çifute, Landmesser u përjashtua nga partia naziste.
Çifti vendosi të paraqiste kërkesën e tyre për martesë në Hamburg, por bashkimi i tyre u refuzua në bazë të ligjeve të reja të miratuara në Nuremberg. Në tetor të vitit 1935, çifti i uroi mirëseardhjen fëmijës së tyre të parë, të cilën e pagëzuan me emrin Ingrid.
Një vit pas ngjarjes së ndodhur në 13 qershor të vitit 1936, Landmesser tentoi të largohej nga Gjermania naziste së bashku me familjen e tij. Por u arrestua në kufi dhe u akuzua për “çnderim të racës”, vepër e cila parashihej me ligjet e Nurembergut.
Në 1938-n, ai u lirua në mungesë të provave, por u udhëzua që të mos kishte marrëdhënie me Eckler. I vendosur që të mos e braktiste nënën e fëmijës së tij, Landmesser injoroi dëshirat e nazistëve dhe u arrestua sërish në vitin 1938, ku u mbajt i mbyllur për afro 3 vite në një kamp përqëndrimi.
Ai nuk u takua më me gruan dhe vajzën e tij. Ndërsa policia sekrete arrestoi edhe Eckler, e cila kishte disa muaj që ishte shtatzënë me fëmijën e dytë të çiftit.
Ajo lindi në burg vajzën e dytë, të cilën e pagëzoi me emrin Irene. Më pas u transferua në një kamp përqëndrimi për femra. Besohet se Eckler ishte transferuar në qendrën naziste në vitin 1942, ku vdiq së bashku me 14,000 persona tjerë.