Kjo është historia e një 007 shqiptar, pra e një agjenti apo spiuni, që ka vepruar në Itali në periudhën kohore 1949-1954. Ai quhej Shemsi Aliaj, i përkiste sektorit të zbulimit të ushtrisë dhe nëse puna e tij do të matej, nëse nga arkivat do të kishim gjithçka, atëherë pa më të voglin dyshim ai mund të klasifikohet si agjenti sekret shqiptar më i mirë i të gjitha kohërave.
Gjithsesi dokumentari shoqërohet me prova të sakta. Janë dokumente arkivore që vërtëtojnë se në pak vjet Shemsi Aliaj, përmes informatorëve, në disa raste edhe me ndihmën e femrave të njohura në Itali, ka mundur të sjellë në Tiranë një shumicë sekretesh të ushtrisë italiane dhe sidomos të paktit ushtarak të NATO-s.
