Për shkak të thatësirës së madhe që shpërtheu në Spanjë, qyteti që ka humbur për dekada ka dalë nga uji. Kështu, u zbuluan rrënojat e qytetit të vjetër që tregojnë se si u duk kur u braktis rreth 60 vjet më parë.
Qyteti i Mansilla de la Sierra gjendet në luginën e La Riocha në Spanjën veriore dhe në vitin 1959 njerëzit u zhvendosën prej saj për të bërë të mundur ndërtimin e rezervuarit të ri i cili mundësonte ujitjen e fshatit bujqësor Alto Naherilla.
Pasi popullsia lokale u evakuua në një qytet të afërt, rezervuari u përmbyt në ujë, duke fshirë kështu gjurmët e qytetit. Megjithatë, pas motit të thatë dhe të nxehtë, qyteti ka parë edhe një herë diellin, duke ofruar një pamje të pafundme për vendasit dhe turistët.
Dhe jo vetëm kaq – ata mund të hyjnë në shtëpitë e braktisura më shumë se 5 dekada më parë, gjersa të moshuarit u prekën nga ndjenja e nostalgjisë teksa ecnin në shtëpitë e tyre të mëparshme.