Pak minuta pasi Presidenti i Republikës Ilir Meta replikoi në distancë me kryeministrin, duke i kujtuar se arsyet e mosdekretimit prej tij të Sandër Lleshit janë të mbështetura në Kushtetutë, ka reaguar në Tëitter kreu i qeverisë, Edi Rama.
Rama ka shkruar: “Sapo kam rifirmosur për ridërgim kërkesën për dekretimin e Sandër Lleshit Ministër i Brendshëm, drejtuar Presidentit të Republikës. Bashkëngjitur do t'i dërgohet Presidentit edhe një relacion i detajuar shpjegues, në funksion të dekretimit të Ministrit të Brendshëm."