Investimet në shëndetësi kanë transformuar spitalet rajonale duke duke ofruar jo vetëm kushte më të mira por edhe më shumë shërbime cilësore për pacientët.
Ministria e Shëndetësisë dhe Mbrojtjes Sociale ka bërë të ditur se ndonëse ka ende shumë punë për të bërë, për të përmirësuar kushtet dhe shërbimin në spitale, nuk mund të mohohet se ditë pas dite spitalet rajonale po ndryshojnë, duke ofruar sipas ministrisë së Shëndetësisë jo vetëm kushte më të mira por edhe më shumë shërbime cilësore për pacientët.
“Riorganizim në shërbimin e urgjencës, pajisje të reja në sallat operatore, sterilizim modern me instrumente të rinj kirurgjikalë, rehabilitim në repartin e Infektivit, rehabilitim në repartin e Neurologjisë, investim në aparatura moderne, zgjerim në gamën e analizave.
Së shpejti investime të reja për më shumë cilësi shërbimi për qytetarët”, thotë ministrja e Shëndetësisë.
