Tale, hidrovori rrezik për epidemi

Shqipëria

Tale, hidrovori rrezik për epidemi

Më: 15 gusht 2018 Në ora: 19:12
Hidrovori i Tales në Lezhë

Ndërkohë që jemi në kulmin e sezonit turistik hidrovori i Tales në Lezhë është kthyer në rrezik për ndotje mjedisore. Ky hidrovor është mbushur me mbetje të shumta midis tyre edhe kafshë të ngordhura ndërsa uji i tij përfundon në det duke sjellë rrezik real për epidemi.

Hidrovori i Tales në Lezhë është kthyer në një rrezik serioz për përhapjen e epidemive. Ujërat derdhen në det çka mund te sjelle rrezik për shëndetin e pushuesve të zonave përreth. Drejtori i Bodrit te Kullimit ne Lezhe Ndue Preka pranon situatën problematike ndërsa shprehet se ka nisur pastrimi.

Preka: Ka një urdhër radikal nga ana ime që mbeturinat toksike si kafshët e ngordhura të pastrohen ditë natë dhe të mos krijohet asnjë problem për pushuesit në atë zonë. Situatën e kemi nën kontroll.

Kjo situatë ka ardhur si rezultat i mosfunksionimit të sistemit të pastrimit pasi janë larguar nga puna dy punëtorë të pastrimit të zgarave.  

Preka: Është shkurtuar fuqia punëtore për disa hidrovore. Ne kemi bërë kërkesë dhe presim që të reagojë pozitivisht edhe Ministria.

Ndotja e zonës duket se ka ardhur prej vetë banorëve të cilët të gjitha mbetjet e ndryshme shtëpiake i hedhin ne kolektor duke sjell një ndotje e madhe mjedisore.

Sot mund të lexoni Shfletoni kopertinat