Partia Demokratike përsërit qëndrimin e saj në lidhje me vettingun në policinë e shtetit. Në një letër drejtuar kryetarit të Kuvendit Gramoz Ruçi, kryetari i grupit parlamentar të PD, Edmond Spaho thotë se kjo forcë politike nuk do të çojë asnjë anëtarë në nënkomisionin parlamentar për mbikëqyrjen e vettingut në polici. Sipas Spahos, procesi i vettingut në polici është farse për aq kohë sa drejtohet nga ministri Xhafaj.