Kompanitë italiane ajrore ua 'nxinë' shqiptarëve, Keri: Edhe KE në dijeni!

Shqipëria

Kompanitë italiane ajrore ua 'nxinë' shqiptarëve, Keri: Edhe KE në dijeni!

Më: 21 korrik 2018 Në ora: 08:32
Ilustrim

Sfidat e aviacionit që lidhen me rritjen e kërkesës për menaxhimin më të mirë të trafikut, siguria, përmirësimi i kapaciteteve njerëzore e teknike si dhe emetimi i gazrave e siguria kibernetike kanë qene edhe fokusi i diskutimit në takimin e 36-të të ECAC, i cili zhvillohet një herë në tre vjet.

I pranishëm në mbledhjen e drejtorëve të Autoriteteve të Aviacionit Civil pjesë e EACA ishte edhe kreu i AAC-së në Shqipëri, Krislen Keri, së bashku me Presidenten e ICAO-s, Fang Liu, drejtorin ekzekutiv të EASA, Patrick Ky dhe menaxherin e IATA-s, Alexandre de Juniac.

Gjatë mbledhjes Keri zhvilloi takim edhe me homologun e tij italian, Alessio Quaranta, ku shprehu shqetësimin lidhur me problemet që po shkaktojnë kompanitë italiane me të drejtat e pasagjerëve. Në këtë kuadër, ai kërkoi nga pala italiane penalizime për këto kompani, duke shtuar se është vënë në dijeni edhe Komisioni Europian.

Më tej, Keri u takua po ashtu edhe me drejtorin e AAC turk, Bahri Kesici, ku forcimi i bashkëpunimit lidhur me ndërtimin e kapaciteteve dhe shkëmbimit të eksperiencave ishte edhe fokusi i bisedës së tyre.

Ndërsa, gjatë takimit me kreun e Aviacionit Civil izraelit, Joel Feldschuh, palët ranë dakord për vendosjen e kanaleve të bashkëpunimit për të përfituar nga praktikat më të mira lidhur me eksperiencat koncesionare. Izraeli ndërkohë është në proces për dhënien me koncesion të dy aeroporteve në vend.

Përmirësimi i sigurisë, rritja e kapaciteteve teknike si dhe përmirësimi i shërbimeve në tokë ishin edhe 3 shtyllat kryesore mbi të cilat palët u angazhuan të punojnë më shumë.

Sot mund të lexoni Shfletoni kopertinat