Një masakër e proporcioneve të mëdha është kryer në pyjet e Grumirës në Malësinë e Madhe.
Policia e Shkodrës ka raportuar se persona ende të paidentifikuar kanë prerë një sipërfaqe prej rreth 1 hektarësh pemë, një shifër kjo me të vërtetë alarmante.
Në njoftimin e policisë thuhet se është sekuestruar një motosharrë dhe disa lëndë drusore, por çuditërisht autorët që kanë kryer këtë shkelje ligjore nuk dihen (?!).
Njoftimi i Policisë së Shkodrës:
Më datë 19.07.2018, u referuan materialet në Prokurorinë pranë Gjykatës së Shkallës së Parë Shkodër, dhe punohet për identifikimin e autorëve, pasi dyshohet se në vendin e quajtur Qafë Mollë, Njësia Gruemirë, Bashkia Malësi e Madhe, në bashkëpunim me Inspektorët e Institutit Shtetëror të Mbrojtjes së Pyjeve në Tiranë, është konstatuar prerje e paligjshme e pyjeve, në një sipërfaqe prej 1 hektarë.
Në cilësinë e provës materiale u bllokua lënda drusore, një motorrstege e markës STIHL e disa materiale të tjera. Neni 205 i Kodit Penal.