Pakti detar me Shqipërinë, deklarata e Hahn vë në alarm të gjithë Greqinës

Shqipëria

Pakti detar me Shqipërinë, deklarata e Hahn vë në alarm të gjithë Greqinës

Më: 11 korrik 2018 Në ora: 23:04
Johannes Hahn

Një deklaratë e eurokomisionerit Johannes Hahn për një ndryshim të mundshëm të kufijve mes Shqipërisë dhe Greqisë, ka ngjallur reagim të madh tek mediat e vendit fqinj.

Gjatë një deklarate për ecurinë e bisedimeve mes dy vendeve, Hahn sugjeroi se negociatat Shqipëri-Greqi për të përcaktuar kufijtë detarë në detin Jon mund të çonin në një “ristrukturim të kufijve”, shkruan “Kathimerini”.

Kjo dekaratë e tij është raportuar gjerësisht sot nga të gjithë mediat greke. Por “Kathimerini” pyeti zëdhënësi i Johannes Hahn, për të marrë një përgjigje se çfarë ka dashur realisht të thotë eurokomisioneri me “ristrukturim të kufijve”.

“Në asnjë mënyrë komisioneri Hahn nuk i referohet një ndryshimi kufitar. Duke theksuar nevojën për zgjidhjen e çështjeve të hapura dypalëshe, ai u referohej bisedimeve të vazhdueshme greko-shqiptare mbi zonën ekskluzive ekonomike, e cila mund të arrihet vetëm në bazë të një marrëveshje të pranueshme reciproke mes dy vendeve“, tha zëdhënësi i eurokomisionerit Hahn. 

commentFirst article
Sot mund të lexoni Shfletoni kopertinat