Kishin ardhur nga Berati për të kaluar një ditë pushimi, por për pak ishte duke u kthyer në një tragjedi për dy kushërinj në Golem.
Ne tentativë për të shpëtuar një 14-vjeçar që po mbytej, kushëriri i tij 44-vjeç shkoi për ta ndihmuar, por të dy mbetën të bllokuar mes dallgëve, ndërkohë që i shpëtoi një person i tretë, 14-vjeçarin Anduel Gllava dhe 44-vjeçarin.
Report Tv sjell pamjet të momenteve dramatike kur tre personat janë mes dallgëve dhe kur 44-vjeçari del në breg të detit duke shpëtuar.
Ai shprehet se u fut për të shpëtuar 14-vjeçarin, pasi e mori dallga.
Pushuesit: Qetësohu, qetësohu, se iku, iku, gjithçka mbaroi
44-vjeçari: A është i sigurt ai? (Për 14-vjeçarin)
Pushuesit: Po, po, rri se ia hodhët, iku, iku, kaq ishte
44-vjeçari: Unë shkova për ta ndihmuar o burrë, se e mori uji atë çunin e vogël
Pushuesit: E njeh?
44-vjeçari: Po, edhe ai nga Berati është
Pushuesit: Mos hyj në panik, se gjithçka, është në rregull, e nxori janë në rregull.
