Nga foltorja e Kuvendit, kreu i LZHK-së, Dashamir Shehi akuzoi kryeministrin në lidhje me godinën e Teatrit.
Ai u shpreh se Teatri është e vetmja vlerë që ka qendra e Tiranës, ndërsa e cilësoi projektligjin një vjedhje të pastër.
“Ky Kuvend ka halle të tjera, por ka dhe hallet e parave. Kam pasur një tufë pronash në Tiranë dhe në Shqipëri tek viti i tretë u mërzit dhe hoqa dorë, që ishin dhe tokat e babait tim të ligjshme. Kurse ky (Rama) ka 20 vjet vetëm do të marrë atë pronën atje.
Kjo qoshe e Tiranës, jo vetëm për ne që jemi të këtij qytetit, është hapësira publike më e nderuar për t’u mbajtur. Nuk ka asnjë vend tjetër në Shqipëri që mund të jetë shkruajtur aq më shumë. Nëse ka diçka europiane ky qytet, se shumicën i shkatërroi Enver Hoxha, por nëse ka ngelur diçka që përfaqëson qytetin është kjo këtu. (Teatri). Ai nga ana e urbanistikës është i vjetër, por po qe për pallate të reja, Europa është e mbushur. Por atë se bëjmë dot.
Se bëjmë dot stadiumin ‘Qemal Stafa’. Arsyetim më idiot se ‘qenka e vjetër’. Doni të re, keni bulevardin e ri, ikni i bëni atje. Jetë në këtë qytet, ka vetëm nga universiteti tek Skënderbeu është qytet Tirana, pastaj pjesa tjetër është shndërruar vetëm në një konvikt të madh”, tha Shehi.
